Protesta në Tiranë vijon për ditën e 5-të radhazi. Mijëra në shesh kundra rritjes së çmimeve.

  • Share

Vijon për të 5-ën ditë radhazi protesta e shoqërisë civilë përpara selisë së Kryeministrisë kundër rritjes së çmimit të naftës dhe produkteve të tjera të shportës.

Ndonëse ditën e djeshme pati një ulje të çmimit të naftës dhe u prezantua një paketë ndihme nga kryeministri Edi Rama, protestuesit janë ende të pakënaqur me këtë reflektim duke e quajtur minimal.

Ashtu si një ditë më parë, ku pjesëmarrja e qytetarëve ishte masive, protestuesit janë nisur nga sheshi “Skënderbej” për t’u pozicionuar përpara Kryeministrisë, ku shumë aktivistë dhe qytetarë mbajnë fjalimet e tyre.

Deri në këto momente, protesta është mbajtur larg ndikimeve politike, madje dhe në raste kur qytetarë janë përpjekur të shprehin bindjet e tyre, nuk janë lejuar nga organizatorët.

  • Share