Zelensky – Ja si mund t’a marrë Kievin, Rusia

  • Share

Presidenti ukrainas Volodymyr Zelensky tha se Rusia mund ta marrë kryeqytetin ukrainas vetëm nëse e “rrafshon qytetin me tokë”.

Në një konferencë shtypi në Kiev, ai u tha gazetarëve se ishte i hapur për diskutime me presidentin rus Vladimir Putin, duke diskutuar mundësinë e negociatave që do të mbaheshin në Jerusalem me kryeministrin izraelit Naftali Bennett.

Sipas The Guardian, reagimi i Zelenskiy erdhi pasi një zyrtar i paidentifikuar i qeverisë ukrainase tha se kryeministri izraelit i kishte kërkuar Zelenskiy të pranonte një ofertë të bërë nga Putin për t’i dhënë fund luftës.

Nga ana tjetër, një oficer i lartë izraelit e përshkroi atë si “të rreme”.

“Në asnjë moment kryeministri Bennett nuk e këshilloi Presidentin Zelenskiy që të merrte një marrëveshje nga Putini – sepse asnjë marrëveshje e tillë nuk iu ofrua Izraelit që ne të mund ta bënim këtë. Bennett në asnjë moment nuk i ka thënë Zelenskiy se si të veprojë dhe as nuk ka ndonjë qëllim,” shtoi ai.

Gjithashtu, ai i kërkoi Perëndimit që të angazhohej më shumë në negaciatat me Rusisë dhe Ukrainës, pasi sipas tij deri më tani nuk është përfshirë aq sa duhet.

  • Share