Komentar
Të hënën, datë 14 Tetor 2024 në Njësinë administrative Potom u zhvillua ceremonia e dorëzimit të bidonave të qumështit, për fermerët e Njësisë Administrative Potom. Në ceremoninë e dorëzimit të bidonave të qumështit përveçse fermerëve përfitues, drejtueseve të projektit mori pjese dhe Menaxheri i Programit për Bujqësinë dhe Zhvillimin Rural ne Shqiperi z.Lazzlo Arendas. Në fjalen e tij përshëndetëse, Menaxheri i Programit për Bujqësi dhe Zhvillim Rural z.Lazzlo Arendas pasi falenderoi blegtorët pjesëmarres, foli për mundësine e blegtorëve për të përfituar nga fondet IPA, për fuqizimin dhe rritjen e ekonomive te tyre permes investimeve duke i inkurajuar ata që të aplikojne, ne keto fonde, për futjen e teknologjive të reja në fermat e tyre me qëllim rritjen e prodhimeve dhe përmirësimin e cilësisë së jetësës për veten dhe familjet e tyre. Blegëtorët përfitues falenderuan për mbështetjen përmes projektit, Bashkimin Europian si donator, dhe kërkuan që të informohen më shumë për projektet IPA, me qëllim që jo vetëm të prodhojnë produkte blegtorale por dhe ti përpunojnë vetë ato. Pas ceremonisë së dorëzimit të bidonave të qumushtit Menaxheri i Programit për Bujqësi dhe Zhvillim Rural z.Lazzlo Arendas zhvilloi nje inspektim në lerat e ndërtuara në Njësinë Administrative Potom dhe pas u zhvillua një takim pune ku u disktua mbi projektin dhe problematikat në zbatimin e tij.
