Të Premten 21 shtator 2018 në 18:00 do të nis një festë e re për zonën e Skraparit. Festa do të quhet Festa e Rakisë dhe këtë vit do të organizohet edhe në promovimin e Bogovës si pjesë e programit "100 fshatrat turistikë". Eventi do të Organizohet nga Bashkia Skrapar, në Bashkëpunim me Ministrinë e Turizmit dhe do të sjellë në fokus krijimin e tradicionales në një datë kulmore që do të hyj në Kalendarin e Festave Lokale të Skraparit. Stendat e para u vendosen paraditen e sotme në disa pika në Bogovë. Festa veç degustimit të Rakisë do të jetë një udhëtim i shkurtër në traditat, kulinarinë dhe këngën skraparase. Një program artistik do të shoqëroj aktivitetin e nesërm. Eventi mendohet se do të zgjasi deri në prag mesnatë duke rikthyer fuqishëm aktivitetet festive në qëndër të fokusit të vemendjes jo vetëm të pushtetit lokal të Bashkisë Skrapar por edhe atij qëndror ekzekutiv Minsitrive mbështetëse të linjës. Në imazh edhe banneri zyrtar i eventit që pritet të tërheq vëmendjen e veçantë pasditen e kësaj të premte 21.09.2018 në Bogovë, Skrapar.
©Corovoda Online
Komentar
