Me 11 vota, Këshilli i Bashkisë Skrapar në një mbledhje të pazakontë "e dyta" brenda muajit, miratoi Paketën e Ndihmës Ekonomike dhe Paaftësisë në Skrapar. Lajmi i publikuar nga Corovoda Online më herët, solli reagime edhe nga Tirana Zyrtare. Sipas burimeve të Corovoda Online, strukturat qëndrore të PS në Tiranë ishin ato që "urdhëruan" mbajtjen e mbledhjes gjatë së enjtes që lam pas ndërsa po të njëjtat burime po monitorojnë zhvillimet lokale. Problematika sociale ishte në fokus të vëmendjes pasi moskalimi brenda muajit i listës për ndihmën ekonomike dhe paaftësisë, cënonte jo vetëm rreth 1200 persona dhe familjarë, por edhe zinxhirin funksional të institucioneve që duhej të realizojnë proçedura dhe afate të brenda muajit. Në mesditën e së enjtes 11 këshilltarë nga 15 që ka këshilli bashkiak Skrapar (4 munguan) votuan disa nga pikat e rendit të ditës mes tyre edhe Ndihma Ekonomike dhe Paaftësia. Së paku dy pika të tjera të rendit të ditës u shtynë për më vonë. Konfigurimi i ri që ka marrë Këshilli Bashkiak në Skrapar ku PS dhe PD janë vendimarrje më të madhe numerike sesa LSI ka sjellë një vëmendje të veçantë tek zhvillimet që ndodhin në Skrapar gjatë këtyre ditëve.
©Corovoda Online
Komentar
